Aqueste dissabte 6 d’abril, a 18h30, a l’Ostal Occitan de Narbona, Clamenç amb son espectacle novèl Zo… mai !
Aprèp son passatge a l’Òc-limpià, Clamenç tornèt en Occitania amb Beneseta, Marcèl e Magalona. E contunhèron de legir los jornals, escotar als ràdios, espinchar las tauletas per se téner al fial de l’actualitat del monde ;
Alara, totes quatre se diguèron que podián pas ne demorar aquí. E d’una sola votz, se botèron a cridar : « Zo… mai ! ».
Pel vòstre plaser bèl, anatz los veire sortir del capèl de Clamenç. Non ! Pas de son capèl mas de sa saca encantaira ! Beneseta, Marcèl, Magalona e Clamenç vos van far partejar d’esquèchs fissaires, tirats dels eveniments màgers de l’annada 2018 : finala del Top 14 de rugbi, Copa del monde de fotbòl, fake-news, Aquarius, gilets jaunes, sens oblidar la vida de cada jorn…
Zo… Mai !, un espectacle ont l’umor es rei dins una lenga occitana aisida de comprene ! De pas mancar !
Quoraa usiretz Zo… Mai !, devètz pder dire : I vau !