Souto l’aut patrounage de Carole Delga, presidènto de la Région Occitanie Pyrénées Méditerranée e de Jean-Luc Moudenc, maire de Toulouso, presidènt de Toulouse Métropole,
Jaque Mouttet, capoulié du Félibrige, Evelino Auban, sendi de Felibrige Maintenance de Gascogne Haut Languedoc, li mèmbre dóu burèu mantenenciau, an lou plesi de counvida i journado inaguralo de l’estatuo de Frederi Mistral à Toulouso, obro de Sebastian Langloÿs.
Prougramo :
Divendre 13 de setèmbre 2019
– 9 ouro à 17 ouro à l’Oustau d’Assezat, Acadèmi di Jo Flourau, Salo Clemènço Isaure, journado d’estùdi Frederi Mistral ourganisado pèr Felibrige Maintenance de Gascogne Haut Languedoc en coulabouracioun emé lou Laboratoire ELH-PLH e l’Université Toulouse Jean Jaurès. Vèire lou prougramo en pèço jouncho.
– 18 ouro à l’Ostal d’Occitània, 11 carriero Malcosinat, inaguracioun de l’espousicioun Mistral et l’Europe (ourganisa pèr Felibrige Maintenance de Gascogne Haut Languedoc e lou C.I.R.D.O.C Beziés).
Acuei de Jan-Francés Laffont, presidènt de Convergencia occitana, intervencioun de Jaque Mouttet, capoulié dóu Felibrige.
Dissate 14 de setèmbre 2019
– 14 ouro 30, ceremounié d’inaguracioun de l’estatuo de Frederi Mistral emplantado davans l’intrado di Jardins des plantes is Alèio Frederi Mistral : desvela de l’estatuo, aloucucioun e vin d’ounour pourgi pèr la Vilo de Toulouso. Li Cardelin de Maiano i’adurraran sa participacioun.
Seguiran li cant dis escoulan di Calandreto de Toulouso e l’espetacle dis escolo felibrenco e group presènt.
– 20 ouro 30, salo Ernest Redan, 5 camin d’Audibert (au nord dóu quartié di Mimine) : Vihado-rescontre-councert « La musique et Mistral ».
L’ensèn di manifestacioun es ourganisa pèr Felibrige Maintenance de Gascogne Haut Languedoc emé lou soustèn de la Région Occitanie Pyrénées-Méditerranée, de la Mairie de Toulouse en partenariat emé Convergencia occitana, Calandretas, Cirdoc de Besiés, Université Jean Jaurés.
Segur sian, que lou mounde e li felibre sènso manca vendran noumbrous assista à-n-aquel evenimen maje.
Mistral-Journee etude 13 sept 2019-Toulouse (programme) (1) (1)
Invitation Mistral Imprimerie Fabbro