UNA FRESCA ISTORICA :  » 50 ANS DE BORBOLH OCCITAN « 

La fresca 50 ans de borbolh occitan es estada desvolopada dins l’encastre del projècte Occitanica+

 

La fresca « 50 ans de borbolh occitan » es lo fruch d’una cooperacion entre doas institucions encargadas de la collècta e la salvagarda de la memòria contemporanèa : l’INA (Institut nacional de l’audiovisual) e lo CIRDÒC – Institut occitan de cultura.

Los dos organismes, de las missions e colleccions complementàrias, an mutualizat lors ressorsas e lors competéncias per metre en linha una granda fresca numerica que permet de sasir, dempuèi un territòri original, mièg-sègle d’evolucions culturalas, socialas e economicas qu’an marcat la França e l’Euròpa contemporanèas.

La contribucion dels ensenhants-cercaires del departament d’occitan de l’Universitat Paul-Valéry Montpelhièr-3 recampats dins lo laboratòri LLACS (Lengas, literaturas, arts e culturas dels Suds, EA 4582) e de l’ensemble dels membres, cercaires o expèrts professionals, que compausan lo comitat editorial, foguèt essenciala per la seleccion, la mesa en contèxte e l’analisi d’aquelas ressorsas.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*