» Soi d’acòrdi per demandar la preséncia d’una emission d’una ora cada jorn a la television “regionala” de Tolosa.
Lo poder politic parisenc contunha de menar una politica obscurantista d’assimilacionisme lingüistic que fa de la Republica francesa un Estat arcaïc dins l’Euròpa actuala.
I a pas un sol país, en Euròpa, ont una lenga de l’importància culturala de l’occitan siá tan mespresada. Quitament las “pichonas lengas” coma lo basc o lo friolan son mai presas en compte pels poders publics que non pas la “granda lenga occitana” en França. Lo meteis occitan gascon a un estatut social mila còps pus favorable a la Val d’Aran que non pas al nòrd del Pont del Rei (dins la region limitròfa de Sant Gaudenç, departament de la Nauta Garona). La politica de “purificacion lingüistica doça” de la Republica francesa es una vergonha. Nosautres, ciutadans franceses de lenga occitana, nos sentissèm mespresats. »
Jacme Taupiac lingüista occitan ( Montalban lo 12 – 10 – 2022 )