Va podèm dire, lo NPF a ben capitat dins lo temps cortet dei dos torns deis eleccions legislativas. Permetèt de blocar l’irrupcion d’una extrèma drecha agressiva e descomplexada dei prepaus racistas tenguts per de candidats chausits a la lèsta, sovent analfabets politics, dins la seguida retoriciana macronista dau ni drecha ni senèstra e de l’aïrança acumulada fàcia ai practicas autoritàrias d’un poder acarat au moviment populari. L’impensat dei Gilets jaunes se paga comptant, non pòu èstre levat dau bilanç politic globau. Rèsta per la senèstra de faire l’analisi dei populismes ligats estrechament a aquelei revòutas remenadas, a la crosiera de totei lei recuperacions extrèmistas drechieras. Mai ren es jugat, car la coïna governamentala, après aqueleis eleccions contrariadas per lo poder, s’endevèn ambe lei subrenquants de la drecha LR, sei perlongaments a la Ciotti, sei combinasons clanicas qu’èran en vilha sota lo macronisme dominator. Mai tanben ambe la letra communàtoria de Macron que crida a l’union nacionala e lei manòbras dau RN que pensa, après sa revirada, au revenge de 2027. Per ara, quin solatjament per eu de pas durbir lo talh de sa tambolha economica cambiadissa !
Lei revendicacions socialas (tant la reforma dei retiradas, la reduccion de l’assegurança chaumatge, la non responsa a l’urgéncia climatica coma a una politica energetica alternativa…) son totjorn dins l’espèra e lo programa dau NFP, mantengut au consentiment politic minimom, laissa de caire la democracia territoriala, lei revendicacions socioculturalas, l’estatut dei « lengas regionalas », per citar qu’elas. S’aquò se pòu comprendre, lo vuege democratic istoric èsta de comolar. La logica d’aquel acòrdi minimom resulta d’una amira sobeiranista tant per l’exagòn coma per Europa, de l’extrèma drecha ai chevenementistas, pereu de l’estatut calhat de la màger part de la senèstra neojacobina. Lei mediàs privats e publics an vendut una retorica anti-senèstra, lèsta de compra, soventei-fes favorizada per leis errors e lei maladreiças de J-L Melenchon que lo camin politic es estrechament ligat ai declaracions pressas au nacionau e a l’internacionau. Siguem clar sus aqueu capítol : es pas la persona soleta qu’es messa en causa mai aquela abséncia de pragmatisme dau quotidian e lo mòde collectiu de decision que fan una politica de senèstra.
Crèma au lume que lei ponchs mai sensibles per l’ensems de la classa politica son mai prefonds tre que se tracta de reforma constitucionala, dau rampèu d’una VIena Republica ipotetica, e subretot que s’assaia de tornar pensar la sempiternala « decentralizacion-deconcentracion » dei poders successius favorables au statu quo dins aqueu domèni. Car la solucion preconizada per d’unei d’una Amassada contituanta pèsa gaire fàcia ais abituds centralistas integradas per lei ciutadans, indefugiblas dins lo quadre d’una remessa en causa de la Cinquena. Lo pièger seriá de contuniar de desconèisser lei blocatges qu’ensègon la lèi Defferre inacabada, lei mastrolhatges sarkozistas, olandistas e macronistas, per parlar dei mai recents e vesibles dei pedaçatges regionaus. Lo « procèssus Beauvau » sus l’autonomia de Corsega desvèla aquela tradicion monarco-republicana longassa que responde localament e parcialament a una butada democratica, per la faire longanhejar e evitar de prendre a la braceta la question de la democracia territoriala. Es aquela França exagonala e coloniala deis Outramars que sonha son excepcion illiberala dins lo concèrt deis Estats europencs deis estructuras diversificadas : regionalizacion democratica, formas d’autonomias coma expression d’una autra cultura federala e solidària. Fàcia ai solucions diferenciadas possiblas, l’oligarquia centralista e la senèstra son au nis de la serp. Constitucionalistas sobeiranistas, s’abstenir !
Es mai que mai dins aqueu rapòrt de fòrça que la senèstra se deu emancipar dei reflèxes qu’an marcat son istòria centralista. Aquela question politica vitala per la democracia es mai pausada per trobar solucion. Se per d’unei son aplicaion es luench d’emergir dins lo contèxt d’urgéncia sociala, es pasmens un autre biais istoric de li respondre. Tanben dins l’urgéncia. Pichòt rampèu d’istòria e non pas dei mendres, la Fèsta de la Federacion (1790) nos i convida.
Gerard TAUTIL
(12/07/2024)
—————
LES NON DITS DU NOUVEAU FRONT POPULAIRE ET LE MAL FRANÇAIS
On doit le dire, le NFP est une réussite dans le temps imparti des deux tours des élections législatives. Il a permis de bloquer l’irruption d’une extrême droite agressive et libérée de ses propos racistes tenus par des candidats choisis dans l’urgence, souvent analphabètes politiques, dans la suite de la rhétorique macroniste du ni droite ni gauche et de la haine cumulée face aux pratiques autoritaires du pouvoir confronté au mouvement populaire. L’impensé des Gilets jaunes se paye comptant, il ne peut être exclu du bilan politique global. Reste à la gauche, de son côté, de faire l’analyse de la hausse des populismes intrinsèquement liés à ces situations répétées de révoltes qui sont à la croisée de toutes les récupérations extrême-droitières. Mais rien n’est joué, car la cuisine gouvernementale, après ces élections contrariées pour le pouvoir en place, s’accorde avec les surenchères de la droite LR, ses prolongements à la Ciotti et ses combinaisons claniques qui étaient en veilleuse sous le macronisme dominateur. Mais aussi avec la lettre comminatoire de Macron qui réclame l’union nationale et les manœuvres du RN qui pense après son échec à la revanche de 2027. Dans l’immédiat, quel soulagement pour ce dernier de n’avoir pas à mettre en application sa tambouille économique changeante et à géométrie variable !
Les revendications sociales (réforme des retraites, réduction de l’assurance chômage, la non réponse à l’urgence climatique et à une politique énergétique alternative…) sont toujours en suspens et le programme du NFP, réduit au consensus politique minimum, a laissé de côté la démocratie territoriale, les revendications socio-culturelles, le statut des « langues régionales », pour ne citer que celles-ci. Si cela peut se comprendre, un vide démocratique historique reste à combler. La logique de cet accord minimum repose toujours sur une vision souverainiste tant au plan hexagonal qu’européen, de l’extrême droite aux chevènementistes et du statut figé de l’essentiel d’une gauche néojacobine. Les médias privés et même publics ont vendu une rhétorique anti-gauche, véritable prêt-à-porter, favorisée souvent par les erreurs et les maladresses politiques de J-L Mélenchon dont le parcours politique est loin de pouvoir être dissocié de ses dernières prises de position au national et à l’international. Mais soyons clair sur ce sujet : ce n’est pas la seule personne qui doit être mise en cause mais cette absence de pragmatisme face au quotidien et au mode de décision collectif qui définissent une politique de gauche.
Il est évident que les points les plus sensibles pour l’ensemble de la classe politique sont plus profonds dès qu’on touche à une réforme constitutionnelle, au rappel d’une hypothétique VIème République, et qu’on essaie de repenser la sempiternelle « décentralisation-déconcentration » des pouvoirs successifs favorables au statu quo en ce domaine. Car la solution avancée d’une Assemblée Constituante ne pèse pas lourd face aux habitudes centralistes que les citoyens ont intégrées, inévitables dans la logique d’une remise en cause de la Cinquième. Car le pire des choix consisterait à continuer à ignorer les blocages qui ont suivi la loi Defferre inachevée, les mastrolhatges* sarkosystes, hollandistes et macronistes -pour ne parler que des plus récents et des plus visibles, tels les rapiéçages régionaux. Le « processus de Beauvau » sur l’autonomie de la Corse est le révélateur de cette longue tradition monarco-républicaine qui consiste à répondre localement et partiellement à une poussée démocratique, pour la faire traîner en longueur et éviter de prendre enfin à bras le corps la question de la démocratie territoriale. C’est cette France hexagonale et coloniale des Outremers qui soigne son exception illibérale dans le concert des Etats européens aux structures diversifiées : régionalisation démocratique, formes d’autonomies comme expression d’une autre culture fédérale et solidaire. Face aux solutions différenciées possibles, les tenants de l’Etat centraliste et la gauche sont au pied du mur. Constitutionnalistes souverainistes, s’abstenir !
C’est surtout dans ce nouveau rapport de force que la gauche doit s’émanciper des réflexes qui ont marqué son histoire centraliste. Cette question politique vitale pour la démocratie est posée et doit enfin trouver une solution. Et si son application pour certains est loin d’émerger dans le contexte d’urgence sociale, elle est pourtant une autre façon historique d’y répondre. Également dans l’urgence. Petit rappel d’histoire et non des moindres, la Fête de la Fédération (1790) nous y invite.
Gérard TAUTIL (12/07/2024)
* tripatouillages