Ai lo plaser de vos anónciar la publicacion de mon darrier obragtge bilingüe occitan-francés, illustrat per meis òbras de fotografia e de gravadura : « Leis Inaudibles » .
Lo 7 de junh de 1974, l’armada francesa vueja lo vilatge de Bròve (Var) de seis abitants. Leis Inaudibles es un obratge caleïdoscopic que multiplica lei ponchs de vista e lei biais de dire aquela istòria. L’autor sortís de son experiéncia pròpria e se’n va au rescòntre deis estajants expropriats e deis artistas qu’assagèron de s’opausar au projècte. D. Mir parla en son nom pròpri sota fòrma de d’assag, de novèlas ò de critica de filmes, mai tanben alanda sei paginas ai testimoniatges deis actors d’aqueste drama. Aicí l’intime exprimís l’universau, lo passat se conjuga au present e au futur.
Aquesta publicacion fa seguida a una enquista lònga de dos ans de collectatge, lei retarchs se pòdon veire subre lo site dau CIRDOC : https://occitanica.eu/items/show/58977
Un filme documentari lòng metratge eponime es en preparacion.
Tre ara, podètz comandar l’obratge ambé lo bon de comanda jonh.
Vos mercègi per vòstre interès per mon projècte, non esitetz pas de faire córrer l’informacion !
Ben coralament, Daidier Mir didiermir@gmail.com . Edicion : prevot.martine@club-internet.fr