Mi bèu e cars ami, fidèu de noste Festenau de Filme d
Vous voudriéu gramacia e bèn-astruga pèr la qualita di filme que m’avès manda.
Pèr li filme qu’ai refusa, pregue li realisatour de bèn vougué me desencusa, noun pode passa au grand escran que que siegue, que siegue d’image treble, au de soun vounvounejant, autambèn de filme de trop long. Reçaupe un trentenau de filme pèr an, dóu cop me fau segui li filme qu’an li qualita li mai requisto pèr pousqué mounta aquest festenau.
Li filme qu’avèn passa an bèn trasmés la toco d’un tau festenau, qu’es de proumòure e d’espandi nosto bello lengo d’O, de tra l’image, en valourisant nos culturo terradourenco.
D’ùni èron de filme sus l’espandimen de nosto culturo lenguistico, de tra l’ensignamen, o la culturo.
D’ùni filme èron forço pertoucant, tant que nous an mes li lagremo à l’uei.
D’ùni filme èron en oumenage en de gènt qu’an sachu poulidamen marca soun tèms.
D’ùni filme èron d’un bèu temouniage que faudrié encarta dins lis archiéu terradouren.
Li sege filme prepausa an fa mirando e tóuti nous an quita en nous baiant rendès-vous l’an que vèn, lou dilun 9 de febrié de 2026, dins lou meme cinema.
Vous recoumande de regarda l’emessioun VAQUI sus Franço 3 Marsiho, li dimenche à dès ouro e miejo, d’abord qu’an pres peno de veni filma noste voungen Festenau de Filme d’O.
Pièi tambèn d’escouta Radiò Lengadò 95.4, qu’an éli tambèn pres suen de nous faire uno entrèvo.
Siouplè, me farié mestié de reçaupre vòsti filme tout-de-long de l’an, de pas espera lou darrié trimèstre de l’annado pèr me li manda, que pèr iéu es uno cargo de mounta acò, n’en faire li vesiounage, li seleicioun e lou prougramo.
S’ai crea aqueste festenau ei pèr pourgi, en tóuti li proudutour “amatour”, l’escasènço de pousqué prepausa sis obro dins de coundicioun majo pèr li metre en valour.
« Un peu de français pour les personnes qui tiennent moyennement la langue d’Oc.
Je voudrais tous vous féliciter pèr le bon travail que vous avez fourni, dans la réalisation de vos films. J’attends avec impatience vos prochaines propositions, que vous pouvez m’envoyer tout le long de l’année. Grâce à vous ce onzième Festival de Films d’Oc fut une grande réussite, merci à tous.
Je vous fais passer (en pièces jointes) une photo, ainsi que l’article de presse de ce jeudi 13 février. »
Bien cordialement,
Le Président du Cercle Langue d’Oc
Gabriel BRUN