L’estiu es, per la còla del CIRDÒC – Institut occitan de cultura, sinonim de rencontres amb los publics. Gràcia als festenals nombroses que se desplegan sul territòri occitan coma a de rendètz-vos professionals, l’establiment presenta sos otisses e services de valorizacion de l’escrit e de la creacion, tot coma las accions en favor de la coneissença del patrimòni viu.
E coma totjorn, es pendent aqueste periòde estival, que se preparan las proposicions de la dintrada e notadament, lo grand rdv de las Jornadas Europèas del Patrimòni que ne poiretz descobrir lo detalh site per site.
L’associacion La Gardarem a trabalhat sens quitar per fin de propausar una programacion de tria : conferéncia, espectacles, escambis… Ongan atanben, l’establiment s’assòcia a l’eveniment amb una mòstra sus Marcela Delpastre, sa preséncia suls temps de forum e los aperitius literaris.
