Amiga/amic contributor/a,
Vos aurà calgut plan de paciéncia per aver fin finala de novèlas seriosas de la publicacion del libràs Mémoires de l’occitanisme. 1960-1980… et la suite.
Las edicions Trabucaire, de Perpinhan/Perpinyà nos lo prometon pel mes de mai venent.
Coma ja anonciat, e coma los temps melhoran gaire ni dins la politica planetària nimai dins los borsicons (ont son las ajudas publicas ?), vos podèm pas far una liurason a gratis de l’exemplari que vos devèm, coma escambi de vòstre tèxte de contribucion a las Memòrias.
Auretz dreit a un exemplari « à prix coûtant » e a doas formulas d’enviament que vos caldrà causir.
Aquelas condicions son sonque per 1 exemplari-autor (se ne volètz d’autres, vos caldrà passar per las condicions de soscripcion ; novèl mailing tre diluns que ven).
Lo libre, gràcias a cadun/a de vosautres/as, cresi francament que val la pena, e qu’es un eveniment editorial vertadièr, tan de remembrança d’una pontannada, coma de basa de reflexion per ara e las annadas per venir.
Fasètz-ne, sens vos comandar (exclusivament a partir del document del mailing de diluns) tota la publicitat que s’amerita dins vòstres cercles e malhums.
Se pensatz qu’un acte de presentacion dins vòstre ròdol (metem, dins l’encastre d’una manifestacion culturala) es possible, plan segur que ne podèm parlar.
Grandmercés tornar per vòstra participacion essenciala e vòstra benevolenta comprension.
Plan vòstre.
Cristian Lagarda