Es l’associacion Pitchounat que pòrta aquel projècte de grépia en occitan. Arcanèl vòl dire en francés »arc en ciel ». Lo mot arcanèl es de bon dire que i a pas cap de diferéncia de prononciacion en occitan e en francés. Aquela grépia vòl èsser un espaci d’escota, d’escambis e d’acompanhaments cap a la parentalitat. Arcanèl favoriza lo desvolopament de l’enfant en apiejant sul respècte de la natura, la defensa de l’environament e la promocion de la cultura occitana. Patonet es la mascòta d’aquela grépia. Arcanèl vòl aviar un bilingüisme aboriu tot en doçor. Mai que tot, aquel bilingüisme francés-occitan serà emplegat coma una aisina d’experimentacion e de descobèrta per l’enfant. Arcanèl serà la pus primièra grépia en occitan a Tolosa. Ça que la, Arcanèl pòt beneficiar de l’experiéncia de 2 grépias bilingüas francés-occitan. Existisson dempuèi qualques annadas. Se tròban en Bearn, a Lobier de Baish e Laruntz (64).
INFO / RADIO BLEU OCCITANIE .