Tolosa aculhirà una jornada sul federalisme soís e Referendum d’Iniciativa Populara. L’eveniment se tendrà lo 19 de genièr venent a l’Ostal d’Occitània e prepausa una jornada de reflexion comuna.
Après qualques setmanas de crisi sociala e politica, lo govèrn francés lança una granda consultacion public a l’entorn de quatre tèmas: la transicion ecologica, la fiscalitat, los servicis publics e lo debat democratic. Una ocasion que cal pas mancar segon Bolegadís, lo think tank occitan qu’organiza l’eveniment.
Al programa, previst entre 10h e 16h30, s’expausarà la democracia e lo federalisme soís, se tendrà un repais comun e s’estudiarà la revendicacion del Referendum d’Iniciativa Ciutadana e la participacion occitanista a la consulta publica.
Creat a Tolosa en decembre de 2016, Bolegadís – Think tank d’Occitània es un grop de reflexion qu’amassa d’actors economics, de personalitats politicas e de responsables associatius. Sa tòca es d’elaborar d’idèas e d’estrategias per crear de riquesas, d’emplecs e d’activitats en s’apiejant sus la difusion de la lenga e la cultura occitanas.
Podètz trobar mai d’informacions sul sit de País Nòstre.
( INFO / LO JORNALET )