Lo Conselh Departamental d’Aude a decidit al mes de febrièr de 2025 de remplaçar lo nom » Castèls Catars » per » Forteresses royales du Languedoc » , e tot aquò per obténer la reconeissença oficiala de l’Unesco . En reaccion , Pais Nòstre a publicat un comunicat per denonciar aquéla causida , amb una presa de paraula critica del jornalista Joan-Pèire Laval lo 16 de març a Montsegur . Desempuèi , las criticas se son pas arrestadas . E fa gaire dins la cronica occitana del jornal Midi Libre , Joan-Lois Blénet escriu : » I a una autra dimension de Montsegur que deuriá tindar fòrt dins la tempora d’ara. Lo senhor de Perelha e los defenseires daus «catars» èran pas d’aquesta religion, èran catolics mas amb una diferéncia qu’es de civilizacion. An tot riscat e perdut tot per defendre la libertat de conciéncia daus catars. Atau mai que tot Montsegur es libertat.
D’istorians saberuts dison qu’aquestes castèus devon èsser nomenats reiaus dau nom dau raubaire que n’es lo darnièr venceire. Es los nomenar castèus de l’assassin. »