Aqueste dissabte 11 d’octòbre de 2025, Narbona aculhirà una Granda Jornada Occitana al Palais del Trabalh, sala Élie Sermet, a costat de la Borsa del Trabalh. L’eveniment, organizat jos la devisa «Per una lenga viva e un territòri engatjat», se tendrà de 9h30 a 18h, e reünirà de personalitats del mond cultural, politic e associatiu occitan .
Tèxte legit
Après l’acuèlh e los mots de benvenguda de Jaumet Grau, fondator de la Calandreta La Granhòta, e de Bertrand Malquier, cònsol màger de Narbona e president del Grand Narbona, la matinada serà consagrada a l’istòria occitana de Narbona amb Gérard Zuchetto, Franc Bardòu e Joan-Pèire Laval.
A 11h15, Coralia Malric e Enric Joulia presentaràn un «programa occitan per Narbona e lo Grand Narbona» en vista de las eleccions municipalas e intercomunalas de març de 2026, seguit d’escambis amb lo public.
Après lo repais organizat per l’Ostal Occitan Narbonés, la jornada reprendrà a 14h30 amb una conferéncia de l’escrivan François Brochet, «Quand le parisianisme écrase la France» («Quand lo parisianisme espotís França»), e se perseguirà amb una taula redonda sus «L’avenidor de l’occitan, aicí e endacòm mai», amb la preséncia de Joël Raimondi, Jaume Pol, Claudi Sicre e Joan Loís Blenet, e amb de vidèos de Paul Molac e Francis Fourcou.
La jornada se clavarà a 18h après d’escambis amb la sala.
Per mai d’entresenhas:
- Tel. +33 (0)6 72 55 04 36
- Email: lopaisnarbones2026@outlook.com
- Pagina Facebook: Lo País Narbonés
