« Esclarmonda de Perelha »,de Raimonda Tricoire, enfin disponible en occitan !L’òbra : Dempuèi 1209 las armadas dels barons de França ocupan Lengadòc. Lo comtat de Tolosa es estat vencit, mas lo comtat de Fois resistís totjorn. Los darrièrs catars s’i son venguts refugiar. Lo senhor Raimond de Perelha los recapta coratjosament dins sa ciutadèla de Montsegur. Alzèu de Massabrac, un jove chivalièr, es amorós d’Esclarmonda, la filha de Raimond de Perelha. Mas aquesta frequenta las bonasfemnas e bonsòmes de la religion catara. Es embelinada per lor fe e lors cresenças. Al bonur de l’aicí-bas causirà la felicitat de l’amont-naut. Un roman istoric de tria. Entre amor terrèstre impossible, resisténcia a l’envasidor e mistèris venguts de las prigondors dels tempses, lo legeire nauleja sus mantunes registres. « Mas per endessús lo lenhièr, tal un aucèl de las alas resplendentas, polsava, dardalhanta per los sègles dels sègles, l’anma occitana ».L’autora : Raimonda Tricoire (1899-1994) es una escriana occitana nascuda e mòrta a Dun en Arièja. Escriguèt mantunes romans en francés, mas publiquèt tanben poesias, contes e cronicas en occitan dins mai d’una revista.Lo libre de 146 paginas se pòt crompar en linha sul siti de las edicions dels Regionalismes :https://editions-des-regionalismes.org/collections/frontpage/products/copie-de-avl064-esclarmonda-de-perelha-roman-istoric-en-occitan
|
|
|||