« Oxford Trobadors »
Un filme en difusion sus ÒCtele tre lo divendres 25 de setembre
Los trobadors occitans son presents e totjorn vius a Oxfòrd. Es çò que nos fa veire lo filme «Oxford Trobadors » difusat per Òctele a comptar del divés 25 de setembre.
A l’origina del grop « The Oxfòrd Trobadors » i a Denis Noble, un òmi de sciéncia, professor emerit en fisiologia e famós en rason de sons trabalhs sul còr. E del còr a l’amor que cantan los trobadors i a un ligam evident, diràn d’unes.
En realitat lo ligam foguèt la descobèrta per Denis Noble de la lenga occitana quand crompèt un ostal en Peiregòrd, fa qualques detzenas d’annadas.
Dempuèi daissèt pas de far retrenir las cançons trobadorencas e las cançons occitanas de uei a Oxfòrd. Cada annada los « Oxfòrd trobadors », grop creat fa vint ans, donan un concèrt a l’universitat anglesa famosa.
Es un retrach del grop que prepausa aqueth filme rodat en anglés, occitan e francés e sostitolat en occitan o en francés segon la vòsta causida.
Un filme documentari de Sébastien Hondelatte, produsit per Saison Cinq en coproduccion amb ÒCtele dins l’encastre del Contracte d’Objectius e de Mejans de la Region Novèla Aquitània. (49minutas)