Dempuèi 2018, una baissa significativa dels efectius d’escolans qu’aprenon l’occitan al licèu es constatada dins totas las acadèmias (de -15% a -44%) de Novèla Aquitània e d’Occitània. De cap a n’aquela situacion fòrça pessamentosa, l’OPLO lança un « Plan d’accion licèu » per l’annada venenta.. Ara, lo licèu es doncas laprioritat principala de l’accion de l’Ofici per l’annada 2021/2022.
Concretament, diferentas accions seràn menadas, en ligam amb lo ministèri de l’Educacion nacionala amb lo supòrt de las doas Regions Novèla Aquitània e Occitània, a l’entorn de tres objectius :
• Objectiu 1 : aisinar los escolans que seguisson ja un ensenhament en occitan o las equipas ensenhantas que las acompanhan ;
• Objectiu 2 : sensibilizar los liceans e collegians que seguisson pas encara un ensenhament en occitan als beneficis de son aprendissatge ;
• Objectiu 3 : valorizar las iniciativas e « bonas practicas » identificadas dins cèrts licèus.
Per ne saber mai : https://www.ofici-occitan.eu/oc/loplo-fa-del-liceu-sa-prioritat-per-lannada-2021-2022/-