Dins aqueu libre, l’autor dòna son avejaire critic e constructiu sus la question occitana acarada a tres
situacions centralas, analisadas adarrè. D’en premier, una mondializacion liberala que transfòrma la planèta
en mercat que lei consequéncias vitalas son la subrevida de l’espècia umana e dau vivent. La situacion
nevrotica puei d’una bastison politica exagonala, capitalista e centralista, qu’es l’istòria fossilizada de l’Estat
francés empatolhat dins sa fasi monarcò–republicana. L’occitanisme es acarat a una situacion politica
perilhosa, en cèrca de marcas renovarèlas dins un contèxte de massificacion deis idèas dominantas e
d’inversion dei valors ciutadanas. Entre amira culturala, que s’agota fàcia ai condicions sociologicas nòvas
qu’an transformat lo país despuei seissanta ans, e cèrca de practicas politicas que trepejan d’annadas de reng,
la Renaissença occitana es mai pausada aicí.
Lei responsas pòdon èstre que politicas, acaradas ai condicions de sortida de « crisis » repetidas d’una
Euròpa deis Estats sensa projèct politic novator. Dins aqueleis endevenènças, lo moviment occitan es en
bosca de responsas claras per federar idèas e accions e refortir una societat occitana rebutada cada jorn. Aquela
reflexion pausa la question de la democracia ciutadana e territoriala en Euròpa. Lo respèct dau principi
d’autodeterminacion e l’actualitat de l’idèa federala son l’apeon dei societats democraticas bastidas sus lo
principi d’autonomias diferenciadas. Aquí son lei condicions dau despassament de l’Estat–nacion, eiretatge
dau sègle XIX e de l’invencion dins l’urgéncia d’una novèla forma civilizacionala.
Se l’occitanisme vòu faire encara sens coma moviment sociau, es a aquelei questions que deuriá respondre
per levar lei garbas deman e èstre a l’ora dau monde.
Gerard TAUTIL. Ensenhaire e militant, doas partidas de vida qu’an fargat l’estirada de l’autor que lei practicas
culturalas e politicas anèron cotria despuei la creacion dau Moviment socialista e autonomista occitan Volèm
Viure Al País. Filosòf de formacion, linguïsta en domèni d’òc, observator assidú de la vida occitana, a publicat
d’articles e libres sus la situacion culturala, sociala, politica e participat a la recèrca toponimica occitana.
IEO Edicions. Colleccion Ensages. 2022
►————-———————————-———————————————————————————–
Bon de comanda
Nom : …………………………………………………………… Pichòt nom : …………………………………………………………….
Adreiça : ……………………………………………………………………………………………………………………………………………
Ciutat : …………………………………………………………. Còdi postau : ………………………………………………………….…
De comandar a : « Lo CEBIER ». 300, chemin/camin dau Plan de Chibron – 83870 SIGNES–SIGNA
16 euros + pòrt 6 €. Chèc a l’òrdre de Gerard Tauti
Paratge e Convivència
