Mentre que s’acaba lo 1èr trimèstre de l’annada escolara 2022/2023, mantun indicator fa aparéisser una aumentacion del nombre d’escolans escolarizats en occitan : creacion de novèlas seccions bilinguas, reprim d’interès dels parents, sosten de las collectivitats, engatjaments inedits de l’Estat pel Ministèri de l’educacion nacionala sustot.
Aquela dinamica serà eventualament de confirmar en comparason de l’estat dels luòcs dels efectius que deuriá èsser publicat en debuta d’annada civila (per rampèl, lo de l’an passat es disponible aicí). Pasmens, aquel reprim deu pas amagar las dificultats realas que son totjorn encontradas sul terren : manca de ressorsa ensenhanta, baissas localizadas d’efectius, discontinuitat dels ensenhaments, etc.
Qué que ne vire, l’OPLO confòrta son accion per la transmission de la lenga e s’aprèsta a tornar negociar amb sos partenaris la convencion quadre pel desvolopament de l’occitan.
Dins l’espèra de vos ne tenir informat.da.s, lo rapòrt d’activitat de l’an passat es telecargable aicí.