Occitana Prod e Opèra Grand Sud se lançan dins la coproduccion lirica de l’opèra Mireille de Gounod amb una bèla aficha e amb de recitacions del poèma de Mistral en occitan.
Demest los 35 artistas, son anonciats Joanda, que recitarà Mistran en lenga nòstra, la soprano Anaïs Constans, lo tenor François Almuzara, lo bariton J.M. Malzac, l’orquèstra del Capitòli de Tolosa jos la direccion musicala d’Emmanuel Plasson e una mesa en scèna de J.Brun… L’espectacle, que s’anonciarà lèu, festejarà lo 120 anniversari del grand poèta provençal que portèt a la lenga occitan un prèmi Nobel de literatura, justament amb son òbra Mirèlha.
Mireille es una opèra en cinc actes, compausada per Charles Gounod sus un libret de Michel Carré sus la basa del poèma epic de Frederic Mistral, qu’aviá seduch lo compositor. En 1859, Gounod escriguèt a Mistral qu’accedissiá a son desir de ne tirar un opèra. Mistral convidèt lo compositor a se venir installar en Provença. Lo 12 de març de 1863, Gounod e Mistral faguèron coneissença e Gounod s’installèt dins una ostalariá de Sant Romieg de Provença, ont faguèt venir un piano e compausèt sa particion en tres meses.
Lo libret de Mireille ofrís pas qu’un rebat parcial de l’òbra de Mistral, ela meteissa concebuda coma una vasta poèma epopèa.
Info / Jornalet