Candidats occitanistas dins las eleccions legislativas

De còps es dificil de saber ont ne’n sèm dels candidats occitanistas per cada eleccions. Qual se presenta e ont?

Per aquesta eleccion a venir avèm provat de recensar las candidaturas amb un partit politic occitanista per las eleccions legislativas dels 30 de junh e 7 de julhet.

  • Lo Partit de la Nacion Occitana se presenta amb Sylvie BONNEMAISON e Sèrgi VIAULE (PNO, son suplent) dins la 5na circonscripcion de Nauta Garona.
    • Patrice CUQUEL (Bastir Occitània) e Janine CAZES (PNO, sa suplenta), dins la 1ra circonscripcion d’Òlt e Garona.
    • Dominique DARROZES (Bastir Occitània, PNO, Lo Bornhon ciutadan) e Audrey SCHICK, suplenta, dins l’8na circonscripcion, Comenge-Savés de Nauta Garona.
    • Crida egalament a votar pels 5 autres candidaturas « Bastir Occitània » aital coma per Gérard Lenfant, lo candidat Jean Lassalle de la segonda circonscripcion d’Aude.
    • Lo PNO sosten totas las autras candidaturas occitanistas verificadas, sustot las del Partit Occitan, tot en deplorant que i aja pas agut de demarcha unitària per totas las candidaturas occitanistas.
  • Lo movement regionalista Bastir Occitània. Serà present dins las circonscripcions de Nauta Garona, de Gèrs, de Tarn, d’Òlt e Garona, d’Aude. Al còr de sas proposicions, Bastir Occitània met endavant « lo principi de subsidiaritat que permetrà d’abotir a una vertadièra construccion regionala e a una associacion amb los departaments » . Bastir Occitània es sostengut dins aquela campanha per la federacion « Regions Unidas d’Euròpa  » (autra forma de la Federacion dels Païses Units, FPU).
  • En Provença dins Var 1 candidat de « Prouvenço Nacioun » membre de la FPU (pensar a l’associacion « Nacioun gardiano ») en aligança amb Ecologia centrista.
  • Lo Partit Occitan es candidat dins 9 circonscripcions, de Bearn, de Landas, de Tarn e en Provença amb lo sosten de la federacion « Regions e Pòbles Solidaris » (RPS).

Per mai de detalhs Joan-Pèire Laval (cf. Info Pais Nòstre), citi: Los regionalistas son plan partents dins la campanha de las eleccions legislativas dels 30 de junh e 7 de julhet amb 132 candidatas e candidats.

 

Fòra d’Occitània, per los occitans de la diaspòra, de saber que de movements se distinguisson dins aquela dinamica:

  • En Euskadi 3 candidats d’EAJ – Partit nacionalista Basco e Jai e per part dins l’airal occitan gascon sharnego de Biàrritz, Anglet e Baiona,
  • En Catalonha Nòrd dins las 4 circonscripcions amb Unitat Catalana e « Òc al País Catalan »,
  • En Alsàcia, Unser Land se presenta dins 15 circonscripcions per « la sortida de la region Grand Èst e dotar Alsàcia d’un estatut particular, per una autonomia dins una França federala »,
  • En Bretanha (bretonanta e gallo), lo Partit Breton se lança dins 13 circonscripcions « al servici de la democracia bretona e per una Bretanha reünificada e autonòma »,
  • Corsega dins las 4 circonscripcions dels candidats de Femu a Corsica e del Partit de la Nacion Corsega (PNC),
  • En Lorena 2 candidats del Partit Lorrain.           Laurenç Revèst –  Jornalet

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*