Dins l’encastre d’una dinamica ciutadana dobèrta a totas e totes, un Colectiu engatjat per la lenga e la cultura occitanas organiza un « Cafè per Lo País Narbonés », lo dissabte 14 de junh a 14 oras a l’Ostal Occitan de Narbona .
Aqueste temps de rescontre convivial a per tòca de tornar lançar una dinamica populara a l’entorn de l’occitan, en recampant abitants, militants culturals, elegits locals, parents d’escolans, joves, vièlhs , aquò dins la perspectiva de las eleccions municipalas de 2026 . Serà un moment d’escambi per pensar ensemble çò que podem faire, aquí e ara, per que la lenga d’òc torne prene plaça dins la vida de las comunas del Grand Narbonés.
Lo País Narbonés es pas una estructura barrada ni un partit politic: es un apèl ciutadan a la fiertat, a l’accion e a la transmission, dins l’esperit de çò que foguèt ja començat aquelas darrièras annadas a Narbona (2a Calandreta, Ostal Occitan, Pòl oc a Montmorency).
Aqueste primièr rendètz-vos del 14 de junh lançarà los grops de trabalh que menaràn cap a las Assisas occitanas del Grand Narbonés, previstas lo 11 d’octòbre de 2025.
Contacte premsa :
Lo País Narbonés
📧 lopaisnarbones2026@outlook.com . Tel 06 60 75 26 24 .
CORALIE MALRIC- JACKY GRAU – JOAN PÈIRE LAVAL – HENRY JOULIA .