Aquelas fèstas se son mantengudas plan vivas e popularas en Comenge e Aran, gràcias a l’enòrme trabalh fach per d’activistas araneses e Eth Ostau Comengés, qu’amb lo sosten catalan capitèt que foguèsson reconegudas coma patrimòni immaterial de l’umanitat per l’UNÈSCO. Ara nos fa un gaug immens de veire que pertot en Occitània, las associacions e mai las institucions se mobilizan per recuperar la fèsta e ongan aurem de bèlas Joanadas en Roergue e Albigés, e quitament de repaisses e de fuòcs de Sant Joan pertot. De mençonar la Granda fèsta d’Occitània que l’organiza Convergéncia Occitana al Jardin de las Plantas de Tolosa uèi e tota la dimenjada amb d’artistas emergents de la region.
En Aran, lo fuòc serà anuèch al centre a Arties, a Bausen e a Les.
