L’eveniment de la prima a cò d’Erau Edicions es la sortida dau roman de Georges Nespoulous, Larzac… Larzac…
Un crimi odiós que d’una man nos enrebala dau costat dau camp militari amb los presonièrs FLN dins lo temps de la guèrra d’Argeria e de l’autra au dintre dau movement « Gardarem lo Larzac », un pauc mai tard.
Un autor que visquèt aquestes dos eveniments.
E lo platèu, gigant, terrible, embelinant que senhoreja sus l’Istòria e las istòrias.
Larzac… Larzac…
20,00€
Lo camp militar de Larzac creat en 1902 foguèt, tot lo sanclame del sègle vint, un luòc provocant l’interès dels estatjants de Roergue mas tanben, los tres quarts del temps, l’èrnha dels òmes apelats per participar a de manòbras militaras.
Dos periòdes se debanan dins aqueste roman. Lo primièr se passa a la fin de las annadas cinquanta e a la debuta de las annadas seissanta pendent la guèrra d’Argeria. Lo camp militar foguèt agençat en camp d’embarrament de militants del F.L.N. (front de liberacion nacionala). Lo segond se debana dins las annadas setanta amb lo projècte d’espandiment del camp militar que provoquèt lo regèt massís dels païsans de Larzac e d’una certana opinion publica. Es dins l’ambient d’aquestes dos periòdes que l’autor situa l’accion del roman.
Mesclant ficcion e realitat nos fa viure d’eveniments istorics e de dramas misterioses.
Georges NESPOULOUS Es nascut a Sant-Africa (Avairon). Visquèt una carrièra d’ensenhaire plan emplenada: regent, faguèt d’estudis superiors per venir professor certificat e principal de collègi. Pendent vint-e-cinc ans assumiguèt aquela fonccion. Acabèt la carrièra sieuna coma Principal del Collègi de Sant-Joan de Vedaç pendant una dotzena d’annadas, vila ont, ara, es retirat. Dempuèi i demòra mas passa de pontannadas a Versols un vilatge del costat de Sant-Africa. Ausiguèt parlar occitan non en família mas en vacanças dins un vilatge avaironés a cò de sa grand. Aguèt una revelacion a la lectura de La grava sul camin de Joan Bodon puèi de totas sas òbras que lo butèt a s’interessar a l’occitan. Sul tard, se decidiguèt a escriure una novèla dins lo Grelh Roergàs, puèi un primièr roman Dorotèa (L’Aucèu libre, 2021). Lo segond es Larzac… Larzac…