La Région Occitane vient de refuser un soutien à la réalisation d’un film en occitan de Francis Fourcou sur les liens entre Indiens Osages et Occitans.
L’Institut d’Estudis Occitans-Occitania-Pirenèus-Mediterranèa vos convida de faire part a la presidenta de la Region d’una demanda d’examen novèl del projecteur.
Traparetz çai-jos :
– un corrièr d’Eric Fraj, president de l’IEO-OPM
– los corrièrs mandats per la seccion Regionala e per l’IEO-Aude a la Presidenta
– unas proposicions de messatges que podètz mandar a :
– la presidenta
per corrièr : Madame Carole DELGA Présidente du Conseil Régional d’Occitanie 22, avenue du Maréchal Juin 31406 TOULOUSE CEDEX 9
e/o per mèl : carole.delga@laregion.fr
Pensatz a mandar copia de vòstres corrièrs a : – Benjamin Assié : benjamin.assie@laregion.fr ; Francis Fourcou: francis.fourcou@wanadoo.fr ;
• Corrièr d’Eric Fraj, president IEO-OPM :
Adissiatz a cadun e caduna,
Lo realizator occitanista Francis Fourcou ven d’apréner, i a qualques jorns que sa demanda de subvencion a la Region Occitania, per quant a son filme en cors de montatge: « Un pont au-dessus de l’océan » (un long metratge de 90 mn, en occitan sostitolat en francés), ven d’èsser refusada. Òr, aquesta subvencion es vitala per l’avenir d’un filme ambiciós, audaciós e original (ne véser en pèças juntas lo sinòpsis e la presentacion).
Aquela decision, plan susprenenta, nos impausa de reagir al pus aviat, dins los jorns que venon (abans la tota fin de julhet) alprèp de la presidenta de la region administrativa Occitania.
Doncas, amb l’acòrdi del C. A., demandi a cada seccion departamentala, a cada seccion locala, a cada membre del nòstre malhum d’enviar una letra (cortesa) de demanda de reexamen de la demanda de subvencion.
D’efièit, après d’autras associacions occitanistas que ja demandèron de tornar considerar la decision presa pel comitat d’expèrt-a-s, l’IEO-OPM se deu far ausir e demandar el tanben a Caròla Delgà de butar de l’avant per assegurar una subvencion onorabla a un projècte que val lo còp. Seriá possible que lo primièr long-metratge en lenga occitana despuèi 40 ans non foguèsse pas sostengut per la Region Occitania?
Per que siá eficaça, cal que nòstra reaccion siá URGENTA.
Vos mercegi doncas de la vòstra rapidissima reactivitat!
Plan lo vòstre,
Eric Fraj
• Corrièr IEO-OPM a la Presidenta de la region :
• Corrièr de l’ IEO-Aude a la Presidenta de la Region :
•• Idèias de messatges d emandar a la Presidenta de la Region :