Per la segonda annada, lo CIRDÒC – Institut occitan de cultura espartenàri dels Escambis occitans de la davalada : un estagi participatiu e immersiu a l’entorn de problématicas culturalas, en perlongament de l’Escòla occitana d’estiu, institucion que recampa dempuèi mai de 50 ans los amoroses de la lenga occitana.
Rendètz-vos es balhat a Colonha (Gers) los 2, 3 e 4 de novembre de 2022 per aqueles escambis qu’auràn coma tèma Cossí rendre l’occitan mai visible dins l’environament de nòstres quotidians ?
Per contextualizar la question de la visibilitat del messatge en occitan dins l’espaci public, Maëlys Muller, responsabla dels departaments Iconotèca e Filmotèca al CIRDÒC – Institut occitan de cultura, e Jeanne-Marie Vazelle, responsabla de las produccions e de la cooperacion educativas, balharàn lor contribucion a partir dels fonses d’afichas reventicativas de la Mediatèca occitana e de las experiéncias de mediacion a lor entorn.
Inscripcions cap al 20/08/2022.
Possibilitat de precomendar las cartas serigrafiadas que seràn fargadas a la fin de l’estagi.
Programma complet :
