La quinzenada ivernala d’animacions occitanas Fasètz la Lenga en Cabardés es de retorn del 27 de febrièr al 9 de març amb de rendètz-vos diversificats a Mossolens, Argon, Puègnautièr, Ventenac de Cabardés e Vilagalhenc.
La programacion, dobèrta a totes los publics, passejarà los participants de Lemosin en Lengadòc, d’Arièja a la Mar Nòstra, de las lentilhas del Puèi als becaruts de Camarga..
Dobertura a Mossolens lo dimars 27 de febrièr. A 18h, je la Rue de la Mairie se doblarà de la denominacion Carrièra de la Comuna. Seguiràn los discorses e una prestacion del grop vocal de l’associacion CossíQueSiague. En serada, plaça al teatre amb los Galejaires e lor novèla pèça d’actualitat: Transicion a Traucapairòls. De qué agantar una brava panta de rire!
L’endeman, dimècres 28 février, a Puègnautièr, Bruno Paternòt presentarà l’espectacle Chauffe,Marcelle !Una pèça coregrafica e poetica sus la vida e l’òbra de Marcela Delpastre (1925-1998).
Lo vèspre del dimenge 3 de març, l’associacion Patrimònis, Vals de Cabardés menarà una passejada comentada a l’entorn de Mossolens.
Dimars 5 de març, Pèire Thouy tendrà conferéncia a Argon per parlar dels aucèls del país, de lor realitat ecologica e de lor ròtle dins la cultura populara.
Serada festiva, lo dijòus 7 de març a Ventenac de Cabardés amb d’en primièr una taulejada a l’entorn d’un plat de dentilhas amb garron e salsissa, puèi balèti amb Revelhet.
Lo final se passarà sala polivalenta de Vilagalhenc dissabte 9 de març de ser, amb lo recital Entre-là, que mescla musicas, instruments e lengas de las ribas de la Mar Nòstra: guitarra, od, percussions, arabi, occitan, catalan, ladino,… Un concèrt ont ne ressortisson los ideals de convivéncia e del viure-ensems.
De mai, d’obradors (a 18h) precediràn las seradas dels 28 de febrièr, 5 e 9 de març. Una presentacion dels instuments tradicionals de las musicas occitanas serà prepausada als escolans dels 5 vilatges long de la quinzenada.
Info / Jornalet
Per mai d’informacions:
- E-mail: dominique.alsina@orange.fr;
Tel. +33(0)6 14 39 16 39; +33(0)6 95 58 73 52)
Facebook: fasetzlalenga
