Lo movement s’es implicat aquestes darrièrs ans dins las eleccions regionalas e municipalas e, ongan, dins las eleccions europèas e legislativas
Lo movement Occitània País Nòstre tendrà son 3n congrès dissabte 19 d’octòbre de 2024 a partir de 10 oras del matin a Pòrt Lauragués, al restaurant La Dinée (sus l’airal d’autoestrada de l’A61). Creat en 2019, es un movement regionalista que defend las valors occitanas de “Paratge e Convivéncia”. Lo movement s’es implicat aquestes darrièrs ans dins las eleccions regionalas e municipalas e, ongan, dins las eleccions europèas e legislativas jol nom de Bastir Occitània.
Après un bilanç d’aqueles engatjaments electorals, lo congrès elegirà lo burèu e fixarà lo fuèlh de rota regionalista pel periòde 2025-2026. . De movements e associacions regionalistas, ecologistas e europeïstas son convidats a parlar l’après-miègjorn .Se parlara tanben de La Val d’Aran , abans la conclusion del congrès per Jean-Luc Davezac.