L’annada a començat amb una novéla emission , divendres 3 de genièr a 12 oras a Ràdio Lengadòc : lo jornal » De las Pirenèus a la Mar » , un fum d’informacions en lenga occitana amb Joan-Pèire Laval . Difusion cada divendres a miègjorn sus l’antena de Ràdio Lengadòc 95.5 fm Narbona e 97.0 fm Carcassona .
Nascuda en 2003, Ràdio Lengadòc es una ràdio associativa occitana bailejada per l’associacion Lenga d’òc-Lenga viva. Es difusada dins lo Narbonés, lo Besierenc e lo Carcasses. Dempuèi l’estudi del 10 carrièra Washington de Narbona, realizam una programacion musicala mai que mai latina mas tanben un fum d’emissions.