Campanha de dons per la primièra edicion de Carrièras Occitanas a Vilafranca de Roergue les 25 e 26 d’octobre de 2025. >> Dètz es pas que la caissa d’acuèlh pels sostens, mas tot l’argent anarà a la manifestacion.

Dempuèi 2015, e la darrièra manifestacion Anem Òc, avèm pas agut l’escasença de mostrar per carrièra la volontat populara d’accès a la lenga occitana. Pr’aquò, l’enveja e la necesitat i son encara.

Dels Alps italians fins a la Mar Granda, recampem-nos. Balhem de vam, a un moviment que sosten l’idèa qu’avèm besonh de diversitat culturala tant coma de diversitat ecologica o umana. Defendèm una lenga per totes, que nos permet de créisser amassa dins una societat dubèrta, conscienta de son environament coma de son istòria. Mai un pòble pòrta collectivament sa cultura, mai es capable de s’organizar, de crear, d’aculhir e de partejar.

Mainatges, avèm totes cantat sa cançon, los 25 e 26 d’octobre li tornarem son ostal. Coma per materializar lo nòstre patrimòni immaterial, tornarem bastir l’ostal del Joan Petit, a l’endrech ont foguèt rasat al sègle XVII, per castigament de la revòlta dels crocants.

Manifestacion, discutidas, cantadas, concèrts, vilatjòts dels diferents païses occitans, passacarrièra…

Los 25 e 26 d’octobre de 2025, cridam a una dimenjada festiva de manifestacion e d’accion per la lenga occitana !

Fasèm las carrièras occitanas !