A Rodés, lo 19 de julhet de 2019, a la talvèra de l’Estivada, lo Partit de la Nacion Occitana vos convida a partejar una taulejada per celebrar lo seissanten aniversari de sa creacion pel Francés Fontan (1929-1979) a Niça.( Foto : Francés Fontan ) .
Celebrarem a Rodés l’espeliment del PNO (Partit Nacionalista Occitan) que dempuèi 2004 lo sonam Partit de la Nacion Occitana. La taulejada serà seguida d’una conferéncia que i presentarem l’actualitat del nacionalisme occitan en companhia d’amics venguts de Catalonha e d’endacòm mai.
En 1959, quand Fontan avièt lo PNO que sa tòca avoada èra l’independéncia d’Occitània e la creacion d’un Estat occitan, aquesta idèa semblèt deliranta e utopica als occitans que la màger part d’eles ignoravan la quita existéncia d’Occitània.
Çaquelà se trobèt un punhat de femnas e d’òmes per i creire. Fontan, s’apiejant sus sa teoria, l’etnisme : Una lenga, un pòble, un Estat sostenguèt los arabs e los berbèrs que lutavan, contra lo poder colonial francés en Argeria.
E uèi ? los mots occitan e Occitània, son banalizats.
Dempuèi la reforma territoriala de 2015, la part centrala del país s’apèla « Région Occitanie ».
S’aquò mèt una partida d’Occitània sus la mapa del mond, aquò desmobiliza los Occitans de las autras regions que se sentisson exclüits.
Occitània es descopada e inclusa dins tres Estats : França, Itàlia e Espanha.
Las regions occitanas de l’estat francés an gaire de poders
Dins l’estat espanhòl, gracias al poder autonòm catalan de Barcelona, lo Conselh Generau d’Aran a un govèrn e d’institucions autonòmas e la reconeissença de nòstra lenga occitana es efectiva.
Lo Partit de la Nacion Occitana jòga son ròtle dins lo combat democratic e pacific per la liberacion del nòstre pais. Es lo meteis combat que lo de totes los pòbles de las nacions sens estat del monde sencer perque sèm etnistas, valent a dire nacionalistas inter-nacionalistas,
Per Occitània volèm l’independéncia, tròç per tròç, e la reünificacion dins l’encastre d’una Republica federala e d’un Estat, membre de l’Union europènca e de l’ONU.
Aplicar l’etnisme nos sembla lo melhor biais per establir la patz en çò nòstre en Euròpa tant coma endacòm mai en tot refusar l’estatu quo colonial e l’intangibilitat de las termièras dels estats artificials.
D’acòrdi o pas, vos convidam per venir debatre amb nosaus.
*****************************
Es temps de se far marcar per la taulejada del divendres 19 de julhet de 2019 a Hôtel du Midi a 12 oras 30 (prètz : 20 èuros) imperativament abans lo 5 de julhet. Vos pregam de mandar lèu-lèu un chèc a l’òrdre de Lo Lugarn / 34 av des Pyrénées / 47390 Layrac. Aquela taulejada que i participar es pas una obligacion, serà seguida d’una conferéncia a la Maison des Associations, 15 Avenue Tarayre a Rodés a 3 oras del vèspre, per un debat public fins a 5 oras sus l’avenir d’Occitània … e de Catalonha. Per prendre lenga amb nosaus podètz daissar un corric al geli.grande47@laposte.net o al jean-pierre.hilaire@wanadoo.fr o mandar un SMS o telefonar al 06 76 47 32 12 o daissar un messatge.