Creacion del  » Collectiu dels Teatres en Lengas Autoctonas « 

https://external-mrs2-1.xx.fbcdn.net/safe_image.php?d=AQCsrKmatWOlqRrX&w=540&h=282&url=https%3A%2F%2Fimages.ladepeche.fr%2Fapi%2Fv1%2Fimages%2Fview%2F5d32e8f23e4546582f37d0c4%2Flarge%2Fimage.jpg%3Fv%3D1&cfs=1&upscale=1&fallback=news_d_placeholder_publisher&_nc_hash=AQBdYVpGgO415EyI

Comunicat dau CTLA (Collectiu dels Teatres en Lengas Autoctònas)

Aquest 9 d’agost sarà per l’UNÈSCO “Jornada Internacionala dels Pòbles Autoctòns”.

De mai, au mes de genièr, l’Amassada Generala de l’ÒNU proclamava 2019 “Annada das Lengas Autoctònas”.

L’autoctonia concernís França tota e pas sonque sas possessions alunhadas.

Las lengas dichas “regionalas” son las lengas autoctònas d’una bèla part de l’espaci metropolitan de la nòstra Republica.

Los 18 e 19 de julh de 2019, dins l’encastre dau festenal L’Estivada portat per la vila de Rodés, lo prumièr rescontre dels teatres en lengas regionalas a permés de fondar un collectiu, lo CTLA: Collectiu dels Teatres en Lengas Autoctònas.

Aquesta acampada es una primièra e fuguèt organizada per respondre a l’estat d’urgéncia ont se trapan aqueles teatres a l’ora d’ara.

Las companhiás d’aquestes teatres son d’actors dels terraires e òbran per faire tindar lor creativitat dins lors lengas maltractadas.

L’objectiu es de se ganhar lor plaça legitima dins lo païsatge artistic, cultural, audiovisual e institucional francés.

I a un besonh, una realitat, una demanda sociala e aquestas companhiás se recampan per obténer un avenidor per la creacion dins las lengas autoctònas del nòstre país.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*