EMISSION a 20 oras PER AJUDAR LOS POBLES d’AMAZONIA

Una granda emission en dirècte sus Internet facha en Brasil, Belgica e França se tendrà uèi a 20h segon l’ora d’Occitània (a 15h segon l’ora de Brasília). La tòca es de sensibilizar lo mond e de mobilizar de ressorsas per ajudar los pòbles de la selva qu’an fach una crida a la solidaritat internacionala. Son los pòbles autoctòns d’Amazonia e las comunautats tradicionalas de la region que veson en perilh lors ressorsas, lor biais de viure e lor existéncia a causa de la covid-19, dels incendis, de la desforestacion e de la pollucion dels rius.

Demest los diferents animators d’aquela emission i aurà la jornalista occitanobrasilièra Gisèla Naconaski, coneguda dels telespectators d’Òc Tèle e dels auditors de Ràdio Lenga d’Òc.

De mancar pas aqueste ser a 20h (15h segon l’ora de Brasília) sul sit https://sosamazonia.org.br/fr/povos-da-floresta-contra-covid

  INFO  /  JORNALET