Manifestacions per las lengas

https://www.jornalet.com/imatges/images/04%20isla_de_baish_gironi_picas.jpghttps://www.jornalet.com/imatges/images/02_agen_hilaire.jpgDe manifestacions mai o mens nombrosas aguèron luòc dissabte passat dins tot l’estat francés per revendicar l’ensenhament de las lengas autoctònas minorizadas. D’acamps, de conferéncias de premsa, de marchas de protèsta e divèrsas sòrtas d’accions se son tengudas un pauc pertot. De soslinhar l’iniciativa de la Tuta d’Òc que pendent tota la jornada enregistrèt de messatges en vidèo e los difusèt suls comptes Instagram e Facebook de la librariá de l’IEO de Tolosa.

Totas aquelas manfiestacions exigisson un estatut per las lengas autoctònas de l’estat francés autras que lo francés, l’extension de lor ensenhament e lor desvolopament dins l’espaci public. Se demanda tanben l’anullacion de la darrièra reforma de l’educacion que mena a eliminar de tot en tot la flaca preséncia d’aquelas lengas dins lo sistèma educatiu public.

En Occitània, lo nombre de manifestacions es extraordinari e l’occitanisme s’es mobilizat per tot lo territòri. Comptam d’accions almens a Agen, Ais de Provença, Arle, Aurenja, Avinhon, Baiona, Bordèu, Carcassona, Carpentràs, Clarmont-Ferrand, Fois, Lemòtges, Marselha, Mont de Marsan, Narbona, Niça, Nimes, Orlhac, Pau, Sant Africa, Tolon, Tolosa, Vilanòva d’Òlt… A mai, a Grenòble manifestèron d’associacions occitanas e arpitanas.

Publicam en seguida d’imatges que nos son arribats per e-mail o qu’avem trobats suls rets socials.

Dins lo sit Facebook del collectiu Per que viscan nòstras lengas i trobaretz tot plen d’imatges e de rapòrts.

           Info / Jornalet      Foto / Manifestacion a Lisle-Jourdain e Agen

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*