Dimars que ven, 23 de febrièr, lo Congrès Permanent de la Lenga Occitana (CPLO) va presentar Votz, lo sistèma de sintèsi vocala que permet als ordenadors de transformar en votz de tèxtes escriches. Per tant, a partir de dimars, l’occitan pòt èsser present dins los GPS, los transpòrts en comun, los assistents vocals, los logicials de lectura per las personas que veson mal, etc.
La presentacion de Votz se tendrà a partir de 15h a Pau e se poirà seguir en dirècte sus Facebook live, sus YouTube e sus ÒCTèle.
La còla del projècte presentarà aquela tecnologia e totas las aplicacions concretas e mai tecnicas sus las qualas aquela tecnologia poirà desbocar. De remarcar que tre dimars se poirà ja emplegar sus la plataforma votz.eu.
Bastida amb las darrièras tecnologias de l’intelligéncia artificiala, Votz parlarà occitan amb los accents lengadocian e gascon e las voses respecivas de Clamenç Alet e de Domenja Lekuona. ( Info / Jornalet ) .