Lo 21 de mai, lo Conselh Constitucional invalidèt dos articles de la lei Molac pertocant l’ensenhament immersiu e los signes diacritics considerats coma “anticonstitucionals”. Aquel decision es un atac grèu envèrs los e las qu’òbran cada jorn a l’ensenhament, a la promocion e a la defensa de nòstra lenga e nòstra cultura occitanas, a l’escòla e dins los luòcs d’usatge. Aquela accion es doncas essenciala per portar nòstre sosten a la lei Molac e per mostrar nòstra determinacion .
Lo Centre Regional de l’Ensenhament de l’Occitan de l’Acadèmia de Tolosa , l’Institut d’Estudis Occitans , e lo Centre Cultural Occitan d’Albigés, jonches per la federacion Calandreta, lo Felibrige e ÒcBi, respondon a l’apèl del collectiu » Per que viscan nòstras lengas » , e vos convidan a una manifestacion musicala lo dissabte 29 de mai a Albi , a 14 oras 30 Pargue Rochagude .
Solidari de la reivindicacion del Collectiu e de las associacions , per sostenir la lei Molac, Bastir Occitania apela tanben a la mobilisacion dissabte 29 de mai a Albi .
ENTRE TOTS O FAREM TOT !