Coma cada annada lo CIRDÒC – Institut occitan de cultura vos propausa una programacion culturala variada a l’entorn de la literatura e dels autor.a.s occitan.a.s a l’Estivada de Rodés.
Espectacles : Descobrissètz las darrièras creacions a l’entorn del patrimòni artistics e literari occitan.
• Dijòus 22/07 – 16 h-17 h 30 : Espectacle poetic Dans le repli des vagues. Amb Aurèlia Lassaca e Benoît Blein.
Dins aquel espectacle qu’explora, mercés als otisses de la scèna contemporanèa, lo ligam ancestral qu’unís la poesia a las autras arts vivas, Aurèlia Lassaca dona a ausir d’extraits tirats de son recuèlh En quête d’un visage (Ed. Bruno Doucey, 2017). Poesia, teatre mas tanben trabalh de las ombras e imatges, s’esposan a travèrs lo dialòg que se teissa entre sos personatges.
• Divendres 23/07 – 16 h-17 h 30 : Le Théâtre de Max Roqueta – Amb Jean-Claude Forêt e Bruno Cécillon
Entre conferéncia e lectura teatralizada, aquela parladissa vos convida a descobrir, d’un biais viu e dirècte, un aspècte mal conegut de l’òbra d’aquel autor essencial de la cultura occitana. Lo teatre foguèt una de las grandas passions de l’escrivan. Las 16 pèças que nos a daissat, sufirián a provar per lor nombre que lo teatre constituís a part entièra un tresen penjal de son òbra amb la pròsa e la poesia. Son òbra teatrala nos dona a ausir la votz del pòble d’òc, una oralitat populara incarnada dins los personatges que compausa, e ont al còr meteis de la farça o de la satira, la poesia de Roqueta acaba pas jamai d’aflorar.
• Dissabte 24/07 – 16 h-17 h 30 : N’i a pro – Amb Marie Coumes e Laurent Cavalié
Aprèp « Avèm decidit d’aver rason », M.Coumes e L.Cavalié unisson lors talents per « N’i a pro ! » I retrobam la fòrça del precedent projècte : un important trabalh de collècta al prèp dels militants dels Comitats d’accions viticòlas de las annadas 1960 mes en ressonància amb la poèsia occitana contemporanèa. Los mots dels poètas, de còps actors de la lucha, traçan per nos un camin intemporal.
• Aperitius literaris : Rencontres a l’entorn de l’actualitat de l’edicion occitana, espaci editors
Divendres 23/07 – 18h00-19h00 – Espaci editors : Aperitiu literari
Amb Muriel Vernières, Contes de la Val de la Boneta (Letras d’Òc), Gilles Combes Parladissas animalas (Lo Grelh Roergas), Rotland Pecot a l’entorn de la reedicion de Verd Paradís II (Letras d’Òc). Taula redonda menada per la Marie-Jeanne Verny, professora emerita (Universitat Paul-Valéry Montpelhièr III).
Samedi 24/07 – 18h00-19h00 – Espace éditeurs : Aperitiu literari
Amb Miquèla Stenta per son darrièr libre, Eu (Ed. L’aucèl libre), Didièr Mir per Cartographie d’un songe / Cartografia d’un sòmi (Ed. Edite-moi !), Jean-Charles Couderc a l’entorn de La Banena (Ed. CCOR). Taula redonda menada per la Marie-Jeanne Verny, professora emerita (Universitat Paul-Valéry Montpelhièr III).
• Lo programa de l’Estivada serà lèu publicat.