* Vaquí la darrièra emission realizada avans lei vacanças : Lo molin de papièr de Brossa https://youtu.be/EMznEaBa2uY ,
Dins la valada de Dura, la rivièra bèla, a Brossa pròche Carcassona, un vertadièr joièu : lo molin de papièr nos aculhís. Tot i es presentat amb suènh e dins lo socit d’una transmission de saber faire. Un endrech bèu e ben concebut per faire veire coma se fabrica lo papièr a partir de fatas
Et vous avez sur notre site les liens vers les émissions d’août choisies pour vous.
Clic ici ! http://www.teveoc.com/pages/produccions/emission.html
4/08 : » Una sason en cò de l’abelhaire » (redifusion)
Uei, lei consomators cèrcan de produchs sans e autentics. Lo mèu e lei produchs dau brusc marcan totjorn ben, maugrat l’importacion de produchs farlabicats. E mai se l’apicultura beneficia d’un interès dau public, totjorn mai nombrós dins lei formacions, la subrevivença deis abelhas demòra menaçada per lei cambiaments de l’environament e lei pollucions divèrsas. Nautrei vos convidam en cò d’un abelhaire que seguirèm l’òbra lòng d’una sason. Un reportatge de Miquèla e Patric Lapierre.
11/08 : » La sanha en Camarga « (redifusion)
La sanha es lo nom donat au rosèu comun, que trobam aquí en Camarga. Fins qu’a quauquei decenias encara, lo mestièr de sanhaire contribuissiá pron a l’entreten dei paluns. De’n promier ambé son otís lo « sanhador » copava a la man la sanha, puèi son arribats lei motocultors e lei maquinas a partir deis annadas 60. Nautrei avèm rescontrat Andrieu Calba, sanhaire amb una lònga experiéncia, per nos faire una demostracion de copa de sanha a la man, coma a passat temps. Puèi dins una entrevista, veiretz tota la complexitat d’aquel ecò-sistèmi de tria que representan lei paluns, e l’economia verda que i’es restacada. Un reportatge de Jaumelina Bizet e Amada Cròs.
18/08 : » Mistèris de l’aiga amb Alan Roch « (vidèo inedita coma emission)
Dins l’encastre dau projècte academic occitan 2021, descubrètz lei mistèris de l’aiga ambé lo contaire Alan Roch. De’n promier, l’istòria dau gigant Naurosa que se’n vai bastir Tolosa. Après, anaretz sus lei piadas de Saurimonda, dins la montanha negra, onte se porgís ais enfants de penches d’aur. Sensa mirau per se veire, se pòdon coifar davans l’aiga. Mai mèfi, ambé lo Drac que passa ! Enfin, Alan nos mena dins una serada d’après balèti. Lo riu es montat, lei joines pòdon pas tornar a l’ostau. Urosament un chivau apareis e li prepausa de s’alongar per lei portar totei. Mai un jovent vei que quicòm truca… « Se cal totjorn mesfisar del Drac » nos ramenta lo contaire. Una realizacion de Lisa Gròs.
25/08 : » Lo dolmen de Russòl « (redifusion)
Dins lo Menerbès vos menam a la descubèrta dau dolmèn de Sant Eugèni a Russòl. Aquela necropòla dau neolitic es una meravilha, e au mens 300 personas i fuguèron mesas après sa mòrt. Joan Guilaine, arqueològ renoma,t nos presenta aquel monument, son istòria e leis objèctes trobats dins la tomba. Un reportatge de Lisa Gròs sus una prepausicion de Danielle Sarran.
Bon été à vous et rendez vous sur TèVéÒc le 1er septembre !
* Quand vous aurez un peu de temps, regardez le reportage fait par Marc Carteyrade et Claude Queyrel de TèVéOc sur la conversation Occitano/Africaine durant le beau festival PALABRAGES en Vaunage (30). Avec Lise Gros, Marc Aubaret et Hassane Kouyaté sur un sujet brûlant : la défense des langues régionales, richesse incontestable. Directement sur Youtube : https://youtu.be/wB8k-OyE0Ak