En seguida de las discussions que se son debanadas a Narbona dins l’encastre de la Dintrada es estat decidit d’ocupar lo terrenh electoral al mes de junh per las eleccions legislativas.
Avèm a promòure las ideas de decentralizacion, de desvolopament equilibrat dels territòris, de politica coerenta per lutar contra lo cambiament climatic, de defensa e de promocion de la lenga nostra e d’autras encara.
La politica se deu far en cò nòstre e pas solament a París.
I aurà de candidats per dire aquelas causas e per portar aquelas ideas.
A Narbona ja un quinzenat de personas an dit lor intencion de se presentar e de faire campanha.
Podèm e devèm èstre mai nombroses per que pertot dins las regions de l’espaci occitan lo messatge posca passar e per que lo mai gran nombre d’electors poscan dire que vòlon un vertadièr cambiament dins lo biais de far de politica.
Nos trobarem dins tres amassadas regionalas per organizar la mesa en plaça d’aquela sequéncia electorala que serà dubèrta a totas e a tots los que se reconeisson dins la necessitat de donar als territòris occitans una paraula politica.
La discussion de la lei Molac foguèt possibla sonque gràcias a una dinamica collectiva.
Nòstra iniciativa se farà dins l’encastre d’una volontat que se met en plaça dins d’autras regions e amb l’ajuda de Regions e Pòbles Solidaris.
Soi interessat-ada per vòstra iniciativa e vòli èstre informat-ada de la seguida :
CLICATZ SUU LIGAM SEGUENT