Lo centre cultural e cinèma La Fabrique de Sench Astier (Peiregòrd Central) projectarà dissabte e dimenge que venon dos filmes de Jean-Paul Rappeneau doblats en occitan per Conta’m, Pixel Òc e la companhiá Lilo. Las projeccions se faràn en preséncia dels doblaires de Peiregòrd e Lemosin.
Dissabte 28 de mai, se prepausa Lo Hussard sus lo tet (1995) en occitan amb de sostítols. La projeccion, prevista a 21h15, serà precedida d’un aperitiu-concèrt a 18h30 e d’un repais a 19h30. Après lo filme se tendrà un debat.
Dimenge 29 de mai, se prepausa Cirano de Brageirac (1990) en occitan e sens sostitolatge a 15h, e en seguida aurà luòc un debat amb la participacion de la companhiá Lilo. ( Info / Jornalet )