Agen : inauguracion de la plaça Jansemin

A Agen, una fèsta occitana inaugurèt dimècres passat la nòva plaça dedicada a Jansemin. La renovacion de la plaça a eliminat lo giratòri en tornant un espaci de 200 m² als passejaires. En novembre, una trentena d’arbres acabaràn de far venir l’endrech plan mai agradiu.

L’inauguracion de la plaça metèt l’accent sul poèta agenés e sus la cultura occitana amb de parladisses, d’aires de musica, de paraulas de calandrons, de jòcs tradicionals coma las quilhas e mai la projeccion del filme La glòria de Jansemin.

L’eveniment foguèt un preambul occitan a las Fèstas d’Agen, çò rapòrta Le Petit Bleu d’Agen.

Info / Jornalet