Amassada del Partit de la Nacion Occitana los 26 e 27 de novembre a La Vaur

Image illustrative de l’article Parti de la nation occitaneAprès un temps de pandemia que permetèt pas d’acamps en presencial, aqueste an lo Partit de la Nacion Occitana s’amassarà en Amassada Generala estatutària a La Vaur (en Albigés) los dissabte 26 e dimenge 27 de novembre de 2022. Malgrat las dificultats degudas a las constrenchas sanitàrias, pendent aquelas doas darrièras annadas lo partit a contunhat sas activitats de reflexion e d’accion. Son blòg del Lugarn a pas jamai arrestat d’informar sos abonats e sa revista trimestrala del meteis nom a pas jamai interromput sa parucion.

Confòrmament a sos estatuts, lo partit s’amassarà en Amassada Generala per tal d’analisar la situacion politica dins lo mond, sustot los combats de liberacion nacionala menats per divèrsas nacions ; la situacion politica dins l’Estat francés e sustot la situacion politica en Occitània.

Un debat d’orientacion se debanarà sus las responsas que pòt portar lo PNO a la situacion d’opression politica dont patís cada jorn mai la nacion occitana. Se desgatjarà d’aquela Amassada Generala qualques proposicions d’accions concrètas. Seràn pragmaticas e deuràn menar progressivament a mai d’autonomia regionala fins a desbocar, dins un avenidor mai luenchenc, a l’autodeterminacion d’Occitània.

Aquela Amassada Generala 2022 es, plan solide, dobèrta a totes los aderents a jorn de lor escotisson. Los que, per de rasons divèrsas poiràn pas far lo viatge de La Vaur seràn pas excluses de las deliberacions, poiràn participar als debats en dirècte jos forma de visioconferéncia.

Dempuèi 1959 e dins las pesadas de militants coma Francés Fontan, Jaume Ressaire o Gèli Grande, los nacionalistas amassats dins lo Partit de la Nacion Occitana, contunhan d’obrar concretament per la conscientizacion e l’emancipacion de la nacion occitana. Entre sortir d’aquela Amassada Generala, la sintèsi de sas òbras serà renduda publica.

Coralament

Joan-Pèire Alari, president del PNO

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*