Es estat rabalhat per la polícia sus un trepador de vila, desvariat, amnesic, ablasigat. Lo plaçan dins un espital psiquiatric… L’òme en question, Marc Belpuèch, conta son istòria. Un roman plan contemparanèu, en occitan (provençal).
La tinada tota recenta de las enquèstas del comissari Darnaudguilhem, de Maraval en Nauta-Dordonha : dètz enquèstas « a la lesta » – lèu fachas, cèrtas, mas amb quala maestria ! Encara de plaser en perspectiva ! En occitan (lemosin).
Febrier de 1474, lo rei de França deu tenir targa au còp a l’Anglés e au Borguinhon. Mau que mau contèn leis enemics mai quasi tota l’armada es sus lo pè de guèrra e son marge de manòbra es estrech. Pasmens, Loís XI tèsta aquí vòu espandir sa tela. Provença, terraire fòrça ric, dubertura segura sus la Mediterranèa es una pèça màger de l’espandiment. Mai sei projèctes son contrariats, que lo rei Reinier decidisse de lo deseiretar. Abramat, arrogant, plen de cròia, es pas possible per eu de pèrdre la fàcia. Adonc, ordisse un plan per esbrandar lo còmte de Provença e ansin s’apoderar dau comtat.
Las bóstias ? N’i a de totas menas e pòdon aver tota una istòria… Es sus aquel tèma que l’autor a escrich 26 novèlas + 1 – qu’es un romanet vertadièr. De tèxtes de totas menas e de totas tonalitats : umor, fantastic, tragèdia, poesia… De descobrir e de legir, coma totas las novèlas, en començant ont que siá, pel plaser del raconte… En occitan (lengadocian).
« Òm es totjorn eloquent quand lo còr parla » :
» Òm es totjorn eloquent quand lo còr parla «
» On est toujous éloquent lorsque le coeur parle. «
A l’escasença de la sortida del film « La ferme des Bertrand « , que descriu 50 ans de vida dins una bòria de Nauta Savòia, retrobatz » Farrebique » e » Biquefarre « , los dos films de Georges Rouquier que meton en scèna la vida de sa familha paisana entre 1944 e 1945, puèi en 1983. Rodat dins la campanha roergat, aqueles dos films mai d’un còps premiats meton en imatge las mutacions del mond rural entre l’arribada de l’electricitat e l’agricultura intensiva.
A l’occasion de la sortie du film la ferme des Bertrand, retraçant 50 de vie dans une ferme de Haute Savoie, retrouvez Farrebique et Biquefarre, les deux films de Georges Rouquier mettant en scène la vie de sa famille paysanne entre 1944 et 1945, puis en 1983. Tourné dans la campagne aveyronnaise, ces deux films de nombreuses fois primés mettent en image les mutations du monde rural entre l’arrivée de l’électricité et l’agriculture intensive.
I a a Cavalhon un ostal misteriós. Per las fenèstras, s’apercèbon coma d’ombras rojas… Fantaumas ? Magia ? Neron Carnby del KGB e Sam Hill, del FBI (òc ben, pas res qu’aquò !) i van anar enquestar…
Lo libre de Jòrdi (bil) – Jòrdi-Justin Maury
Un libre omenatge a Jòrdi-Justin Maury, animator de l’associacion Lo Convise, Orlhagués, esportiu e òme de la tèrra : sos racontes (per rire o per la cultura d’òc) testimònian, amusan e vos faràn soscar… Bilingüe.
