Ràdio Lengadòc organisa una jornada especiala dijous 18 d’abril a l’Ostal Occitan Narbonés , 31 carriéra Joan Jaurés a Narbona , amb de jornalistas , d’animators e de convidats . Es una primiéra ! De seguir sus 95.5 fm en Narbonés e Besiérs , e mai 97.0 fm en Carcassés .
Nascuda en 2003, Ràdio Lengadòc es una ràdio associativa occitana bailejada per l’associacion Lenga d’òc-Lenga viva. Es difusada dins lo Narbonés, lo Besiérenc e lo Carcassés. Dempuèi l’estudi del 10 carrièra Washington de Narbona, realizam una programacion musicala mai que mai latina mas tanben un fum d’emissions.