Una serada festiva al CIRDOC (Besièrs) per fin de celebrar coma se cal, los 50 ans de l’institucion e far omenatge a sos membres fondators.
En 1975, l’escrivan, intellectual e militant Yves Roqueta convenç la Vila de Besièrs de sostenir son projècte de « bibliotèca nacionala occitana ». A son apèl, mercés a la mobilizacion militanta, se constituís una colleccion enciclopedica e representativa de la riquesa e de la diversitat de las expressions culturalas, scientificas, intellectualas e socialas occitanas de las originas fins a uèi.
Lo 21 de març de 2025, vos convidam a venir celebrar a nòstres costats los 50 ans de nòstras colleccions a l’escasença d’una serada festiva.