Lo reel repren las paraulas de la cançon de Claudi Martí, «Descolonizarem la tèrra, Montsegur, te dreiças pertot», e convida lo public a se gandir a Montsegur per aquesta segonda edicion. «Lo movement occitan se deu tornar mostrar per carrièra per tornar afirmar que l’occitan cal que siá lenga de societat per una cultura populara e mantuna cultura populara», çò ditz la crida que remembra la cultura populara coma revendicacion principala: «D’ont mai un pòble pòrta collectivament sa cultura, d’ont mai es capable de s’organizar, de bastir, de crear, d’imaginar amassa e de resistir».

Montsegur, sit simbolic de la resisténcia catara, demòra causit coma luòc de l’eveniment, en ligason amb l’imaginari e l’identitat occitana que lo collectiu Carrièras Occitanas ambiciona de metre en scèna d’un biais festiu e participatiu dins la continuitat de la primièra edicion que, fa qualques meses, aviá ja fach parlar d’ela suls rets socials, en particular a travèrs de TikTok e d’Instagram.

Lo programa detalhat de l’acte II es pas encara desvelat mas si que sabèm que i aurà una manifestacion, de conferéncias e d’escambis amb d’autres pòbles en lucha.

Rendètz-vos a Montsegur (País d’Òlmes) los 17 e 18 d’octòbre venents.

                                                 Info :   F. Macip  JORNALET