Novèl diccionari de las locucions occitan-francés

 

Lo Congrès Permanent de la Lenga Occitana ven d’ajustar un otís a sos diccionaris especials : un diccionari de las expressions e locucions per totas las varietats de l’occitan.

Foguèt bastit a partir dels memòris de mestresa de Florença Marcouyre, jos la direccion de Maurici Romieu e Joan-Breç Brana, jos la direccion de Felip Biu. Aqueles recensèron, transcriguèron e commentèron mai de 2 500 expressions del Dictionnaire du Béarnais et du Gascon modernes de Simin Palay.

S’i ajustèron las expressions e locucions dels diccionaris del dicod’Òc, que ne foguèron extraitas automaticament mercés a lor formatatge en TEI. L’otís compta ara mai de 50 000 expressions en occitan dins totas sas varietats (auvernhat, gascon, lemosin, lengadocian, provençal e vivaro-alpenc).

  Descobrir lo diccionari de las locucions : http://dicesp.locongres.com/locucions.php

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*