Coma o raportàvem dissabte, Jean Castex es originari de Vic de Fesensac (son nom en grafia normalizada seriá Castèths) e mai aprenguèt lo catalan tre que faguèt de Cerdanha e Conflent son país d’adopcion en quitament venent cònsol màger de Prada. Sa lenga principala es lo francés, que lo parla amb l’accent occitan. Aquò, qu’es un fach comun en Occitània, es estat l’objecte de trufariás suls rets socials.
Dempuèi qu’es vengut primièr ministre, Jean Castex a pres la paraula mai d’un còp dins los mèdias franceses e s’es descadenada la tròp abituala glotofobia impunida. Qualques jornalistas an reagit a aqueles comentaris. “Banda de nullasses, avètz totes un ACCENT! (franc de ieu). Estonant, non?” çò a escrich lo jornalista basco Jean-Michel Apathie del temps que lo professor de drech de l’Universitat de Tolosa 1 Joël Andriantsimbazovina a plangut “qu’aquel parisianisme condescendent siá irritant e que pòrte pas res”.
Info / Jornalet .