Serada literària lo 17 de junh al CIRDOC ( Besièrs )

Photo XDRAqueste divendres 17 de Junh , al CIRDÒC :  Cafè de las culturas

Lecturas crozadas. Miquèla Stenta e Florian Vernet, dos autors que presentam pas mai, vendràn presentar lors obratges respectius : Fin’amors triptic… e mai (Miquèla Stenta) e 666, E avisa-te que soi pas Nostradamus (Florian Vernet), totes dos pareguts en aquela debuta d’annada a las edicions E…rau, entre lecturas e escambis amb lo public.

Una serada que permetrà tanben, amb la participacion de Mirelha Braç e d’Alan Roch, de rendre omenatge a dos absents, Miquèl Decòr (Villàs de femnas, La mar sus las espatlas) e Ives Roqueta (Mossur de la Cochonaille, ed. Letras d’Òc), que lors mots fan totjorn resson, portats per d’autras voses. 

Aitant de paraulas d’escotar e de descobrir, al cors d’un Aperitiu literari inedit a la Mediatèca occitana.

 • INFORMACIONS PRACTICAS

Divendres 17 de junh de 2022 a 18h30, a la Mediatèca occitana (CIRDOC – Institut occitan de cultura, site de Besièrs). Sus inscripcion : info@oc-cultura.eu / 04.67.11.85.10.

Un eveniment en partenariat amb E…rau edicions, Letras d’Òc e Occitanie Livre et lecture ; propausat dins lo quadre del festenal regional Total Festum.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*