Dempuèi lo 5 de decembre, l’agéncia Virasolelh a dobèrt la votacion al public pel Prèmi de la Cançon Occitana, apelat de per abans « Prèmi Joan-Pau Verdièr », mas lo nom foguèt tirat sus demanda de sa veusa.
Aital, sul sit www.virasolelh.org, podètz escotar, presar e votar per vòstra cançon preferida de l’an. Auretz la causida entre las 11 òbras nomenadas que son :
— Bom Bom, de Camille en Bal
— Cançon de la Primaubor, de Primaël Montgauzi
— Cecila Borrèl, dels collegians de Narbona + Mauresca
— Contunhar de contunhar, de Sarralhèr
— Demorar, de Louie Z
— Ela, del Marqués deu Comtat
— Liure, d’Humus Machine
— Vau Passeroun d’Henri Maquet
— Vòli Pantaiar, de Nosaires
— Un País blanc, de Paulina Kamakine.
Poiretz aital jutjar la qualitat e la diversitat de la produccion musicala occitana. La votacion se barrarà lo 31 de decembre e los resultats seràn coneguts al començament de genièr.
Al moment de las primièras doas edicions, la cançon Ma Tèrra Occitana (2021) de Crestian Almerge e Sempre la Vida (2022) de Joanda foguèron premiadas. La competicion per ongan sembla encara fòrça dobèrta .
Info / Jornalet .