ATLÀS DUN VIATGE PARTEJAT

 Occitània e los Païses Catalans son doas nacions bessonas. La lenga, las lengas, las frairejan. E un fum de moments de l’istòria. De movements migratòris cap amont e cap aval, a dreita e a esquèrra, de ligams dinas- tics, de batalhas miticas, la poesia medievala, las caças de l’Inquisi- cion, las renaissenças romanticas e los jacobinismes insuportables, los brancaments encara vius que mostram dins aquesta Guida de viatge.

De totes los elements que poiriam emplegar per encapar e explicitar aqueste afrairament atavic, dins aqueste album i trobaretz una propo- sicion de cançons revisitadas d’un vejaire actual. Lo cançonièr occitan –bon, puslèu una causida pròpria del cançonièr occitan– es l’argument per demostrar l’espaci natural de totes dos pòbles.

Lo clòsc de la seleccion es la Nòva Cançon, un movement fòrt e fruchós, que fa plan plaser de revisitar e que encara a plan de causas a dire. Gaireben la mitat de l’album beu d’aquesta font. Per l’enquadrar, e per plaser, i a tres tematicas de mai d’ont avèm pescat quicòm.

I avèm apondut tres classics de la cançon tradicionala, tres pèças que provenon de las “sequèlas” de la Nòva Cançon. E per o adobar tot coma cal, i sonan tanben los tres imnes del País d’Òc. A! E un exercici de fòc crosat: una versión de la Nova Cançó catalana a mans d’un occitan.

Tot aquò es estat passat pel sedàs de musicaires actius actuals dels dos costats de la termièra, amb la pichòta volontat enciclopedica d’illustrar lo viatge partejat dels nòstres pòbles, a travèrs de parau- las e aires, aital coma d’informa- cions complementàrias fondamenta- las e una mapa del país.